തെക്ക് കിഴക്കന് ബംഗാള് ഉള്കടലില് നിലനിന്നിരുന്ന ന്യൂനമര്ദ്ദം ഇന്ന് രാവിലെ 5.30 ഓടെ തെക്കന് ആന്ഡമാന് കടലില് തീവ്രന്യൂന മര്ദ്ദമായി ശക്തിപ്രാപിച്ചു. കാര് നിക്കോബാര് ദ്വീപില് നിന്നു 80 കി.മി വടക്ക്-വടക്ക് പടിഞ്ഞാറയും പോര്ട്ട്ബ്ലയറില് നിന്ന് 210 കി.മി തെക്ക്-തെക്ക് പടിഞ്ഞാറയും സ്ഥിതി ചെയ്യുന്ന തീവ്രന്യൂനമര്ദ്ദം അടുത്ത 24 മണിക്കൂറിനുള്ളില് അതിതീവ്ര ന്യൂന മര്ദ്ദമായും തുടര്ന്നുള്ള 24 മണിക്കൂറിനുള്ളില് ഈ വര്ഷത്തെ ആദ്യ ചുഴലിക്കാറ്റായും ശക്തി പ്രാപിക്കാന് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിക്കുന്നു. ചുഴലിക്കാറ്റ് ആയി മാറിയാല് ശ്രീലങ്ക നിര്ദ്ദേശിച്ച അസാനി എന്ന പേരിലാകും ഈ വര്ഷത്തെ ആദ്യ ചുഴലിക്കാറ്റ് അറിയപെടുക. അടുത്ത 3 മണിക്കൂറില് കേരളത്തില് കോഴിക്കോട്, പാലക്കാട്, മലപ്പുറം എന്നീ ജില്ലകളിലെ ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്ക് സാധ്യത ഉണ്ട്. മണിക്കൂറില് 40 കിലോമീറ്റര് വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Post a Comment