ലഭ്യത കുറഞ്ഞു; വൈദ്യുതി കരുതലോടെ ഉപയോഗിക്കണമെന്ന് കെ എസ് ഇ ബി





തിരുവനന്തപുരം: കേരളത്തിന്‌ ലഭിക്കേണ്ടിയിരുന്ന വൈദ്യുതിയില്‍ വ്യാഴാഴ്ച വരെ കുറവുണ്ടാകും. ഏകദേശം 220 മെഗാവാട്ട് വൈദ്യുതിയുടെ കുറവ് പ്രതീക്ഷിക്കുന്നു.

ഇത്​ പരിഹരിക്കാന്‍ ​ശ്രമം നടത്തുന്നതിനാല്‍ നിയന്ത്രണം ഉണ്ടാകില്ല.

എന്നാല്‍, പീക്ക്​ സമയമായ വൈകുന്നേരം 6.30 മുതല്‍ രാത്രി 11 വരെ കരുതലോടെ വൈദ്യുതി ഉപയോഗിക്കണമെന്ന്​ കെ.എസ്.ഇ.ബി അഭ്യര്‍ഥിച്ചു. രാജ്യത്ത് കല്‍ക്കരി ലഭ്യതയില്‍ വന്ന കുറവാണ്​ വൈദ്യുതി പ്രതിസന്ധിക്ക്​ കാരണമായത്​.

കൂടുതല്‍ വൈദ്യുതി ആവശ്യം വരുന്ന ഹീറ്റര്‍, മിക്സി, ഇലക്‌ട്രിക് ഓവന്‍, ഇലക്‌ട്രിക് അയണ്‍, വാഷിങ് മെഷീന്‍ തുടങ്ങിയ ഉപകരണങ്ങള്‍ പീക്ക്​ സമയത്ത്​ കഴിവതും ഉപയോഗിക്കാതിരിക്കുക. ഇൗ സമയത്ത്​ യൂനിറ്റിന്​ 20 രൂപ വരെ വില നല്‍കിയാണ്​ കേന്ദ്ര പവര്‍ എക്സ്ചേഞ്ചില്‍നിന്ന്​ വാങ്ങുന്നതെന്ന്​ ബോര്‍ഡ്​ അറിയിച്ചു.


0/Post a Comment/Comments