കെ.എസ്.ആര്.ടി.സി കൂടുതല് സര്വീസുകള് നടത്തിയെങ്കിലും മിക്ക റൂട്ടുകളിലും ജനം വലഞ്ഞു.
കണ്ണൂര്: നിരക്ക് വര്ദ്ധന ആവശ്യപ്പെട്ട് സ്വകാര്യ ബസ് ഉടമകള് പ്രഖ്യാപിച്ച അനിശ്ചിതകാല പണിമുടക്ക് ജില്ലയില് പൂര്ണം.
കെ.എസ്.ആര്.ടി.സി കൂടുതല് സര്വീസുകള് നടത്തിയെങ്കിലും മിക്ക റൂട്ടുകളിലും ജനം വലഞ്ഞു. മലയോര മേഖലയിലെയും മറ്റും യാത്രക്കാരാണ് ഏറേ പ്രതിസന്ധിയിലായത്. നിലവില് ജില്ലയില് സര്വീസ് നടത്തുന്ന 700 ഓളം ബസുകളാണ് പണിമുടക്കിയത്. ഒന്നുമുതല് ഒന്പത് വരെ ക്ലാസുകളിലെ വാര്ഷിക പരീക്ഷ തുടങ്ങിയതിനാല് വിദ്യാര്ത്ഥികളെയും സമരം ബാധിച്ചു.
മിനിമം ചാര്ജ്ജ് 12 രൂപയാക്കുക, കിലോമീറ്റര് നിരക്ക് ഒരുരൂപ പത്ത് പൈസ ഉയര്ത്തണം, വിദ്യാര്ത്ഥികളുടെ നിരക്ക് ആറ് രൂപയാക്കണം തുടങ്ങിയ ആവശ്യങ്ങളാണ് ബസുടമകള് ഇന്നയിക്കുന്നത്. കെ.എസ്.ആര്.ടി.സി പല ഭാഗങ്ങളിലേക്കും സര്വീസ് നടത്തിയില്ലെന്ന ആക്ഷേപവുമുയര്ന്നു. നിലവില് കെ.എസ്.ആര്.ടി.സി സര്വീസ് നടത്തുന്ന സ്ഥലങ്ങളിലേക്ക് അധിക ട്രിപ്പുകള് മാത്രമാണ് നടത്തിയത്. കണ്ണൂര് -കോഴിക്കോട്, കണ്ണൂര്- ഇരിട്ടി, കണ്ണൂര്- കാസര്കോട്, കണ്ണൂര് -കൂത്തുപറമ്ബ് തുടങ്ങിയ സ്ഥലങ്ങളിലേക്ക് കെ.എസ്.ആര്.ടി.സി ബസുകളുണ്ടായിരുന്നുവെങ്കിലും വലിയ തിരക്കായിരുന്നു.
Post a Comment