ഇരിട്ടി: 60 മില്ലി ഹാഷിഷ് ഓയിലുമായി വിളക്കോട് സ്വദേശിയായ യുവാവ് പിടിയിൽ. വിളക്കോട് പാറാടൻ മുക്കിലെ
കൊയിലോട്ര ഹൗസിൽ ഹര്‍ഷിത്ത് (29) നെയാണ് മുഴക്കുന്ന് പോലീസ് ഇൻസ്‌പെക്ടർ രജീഷ് തെരുവത്ത് പീടികയിലിന്റെ നിർദ്ദേശപ്രകാരം എസ് ഐ ഷിബു എഫ് പോളിന്റെ നേതൃത്വത്തിലുള്ള സംഘം പിടികൂടിയത്. ജില്ലാ പൊലിസ് മേധാവിയുടെ ലഹരി വിരുദ്ധ സ്‌ക്വാഡിന് ലഭിച്ച രഹസ്യ വിവരത്തെ തുടര്‍ന്ന് ഹർഷിത്തിന്റെ വീട്ടിൽ വെള്ളിയാഴ്ച വൈകുന്നേരം 4 മണിയോടെ നടത്തിയ പരിശോധനയിലാണ് വീട്ടിൽ സൂക്ഷിച്ച ഹാഷിഷ് ഓയിലുമായി ഇയാൾ പിടിയിലാകുന്നത്.
എഎസ്ഐ ജയരാജൻ, സിവിൽ പൊലിസ് ഓഫിസർമാരായ റോഷിത്ത്, നവാസ്, സന്തോഷ്, സ്ക്വാഡ് അംഗങ്ങളായ ഷൗക്കത്തലി, നിഷാദ്, സുധീഷ് എന്നിവരും പരിശോധക സംഘത്തിൽ ഉണ്ടായിരുന്നു. പ്രതിയെ ശനിയാഴ്ച കോടതിയിൽ ഹാജരാക്കും
Post a Comment