മൂന്നാറില്‍ അതിശൈത്യം തുടരുന്നു. മൂന്നാറില്‍ താപനില വീണ്ടും പൂജ്യത്തിലെത്തി. ചെണ്ടുവര, ലക്ഷ്മി എന്നിവിടങ്ങളിലാണ് രണ്ടു ദിവസമായി താപനില പൂജ്യത്തിലെത്തിയത്. ദേവികുളം, സെവന്‍മല, നല്ലതണ്ണി എന്നിവിടങ്ങളില്‍ ഒരു ഡിഗ്രിയും സൈലന്റ് വാലിയില്‍, മാട്ടുപ്പെട്ടി എന്നി വിടങ്ങളില്‍ രണ്ടു ഡിഗ്രി സെല്‍ഷ്യസുമാണ് ഇന്ന് രാവിലെ രേഖപ്പെടുത്തിയ താപനില.താപനില വീണ്ടും താഴ്ന്നതോടെ മൂന്നാറില്‍ രാത്രിയിലും പകലും ശക്തമായ തണുപ്പാണ് അനുഭവപ്പെടുന്നത്. രാത്രി തണുപ്പ് ശക്തമാണെങ്കിലും പകല്‍ 25 ഡിഗ്രി വരെ താപനില ഉയരും. തണുപ്പ് ആസ്വദിക്കുന്നതിനായി നിരവധി വിനോദസഞ്ചാരികളാണ് മൂന്നാറിലും ഉള്‍പ്രദേശങ്ങളിലും എത്തുന്നത്.
Post a Comment